Miangkon ang South Korean content creator nga si JinHo Bae nga nakasinati siya og bullying atol sa iyang pagdako sa Pilipinas isip usa ka Koreano.
Sa usa ka interview, gibutyag ni JinHo nga gitawag siya og “Ching-Chong” sa una, panahon nga wala pa kaayo nailhan sa mga Pilipino ang K-pop, K-drama, ug Korean culture.
Matod pa niya, lisod ang iyang unang mga tuig sa Pilipinas ilabi na kay dili pa siya kahibalo mo-Tagalog ug usahay makadawat siya og insulto bisan sa mga pampublikong lugar.
Bisan pa niini, wala niya gitugotan nga madaog siya sa negatibong kasinatian ug gihimo niya kini nga inspirasyon aron mapalambo ang iyang kaugalingon ug mapalig-on ang koneksyon tali sa Korean ug Filipino culture.
Karon, usa na si JinHo sa mga iladong content creator nga nagbahin sa Korean ug Filipino culture pinaagi sa social media ug adunay milyon followers sa YouTube.
Giingon usab niya nga bisan adunay bentaha karon ang mahimong Koreano tungod sa kasikatan sa Korean culture, wala niya kini giabuso ug padayon siyang mapainubsanon sa iyang plataporma.
Photo Courtesy:Eleven Myanmar
