Gipasigarbo sa Zamboanga Peninsula ang batan-ong weightlifter nga si Adrian Bucol human makadaog og gold medal sa 48-kilogram Secondary Boys Category sa Palarong Pambansa 2026.
Si Adrian usa ka Grade 9 student-athlete sa Talon-Talon National High School ug unang higayon pa niya nga miapil sa weightlifting ug sa nasudnong kompetisyon, apan nakakuha dayon siya og gold medal.
Sumala kang Adrian, napukaw ang iyang interes sa pag-aswat sukad 10-anyos pa siya tungod sa inspirasyon nga iyang nakuha gikan kang Filipino Olympian Hidilyn Diaz-Naranjo nga iyang kabaranggay.
Dako matod pa ang iyang kalipay sa pagdaog ug iyang gihalad ang kadaugan sa iyang ginikanan ilabi na sa iyang inahan nga walay hunong nga misuporta kaniya.
Matod pa ni Adrian, adlaw-adlaw siyang naga-training buntag ug udto human sa ilang klase aron mapalambo pa ang iyang talento sa weightlifting.
Gipahayag usab ni Coach Dennis Lanoza ang dakong garbo sa ilang rehiyon tungod sa kadaugan ni Adrian nga maoy nagdala og dungog sa Zamboanga City ug sa tibuok Zamboanga Peninsula.
Photo Courtesy: x.com
