Gisuportahan sa British Chamber of Commerce of the Philippines (BCCP) ang lakang sa administrasyong Marcos nga pagpataas sa minimum access volume (MAV) alang sa imported nga karne sa baboy.
Gikan sa 54 mil kapin ka metric tons, gisaka na kini ngadto sa kapin 204 mil metric tons pinaagi sa Executive Order Number 116.
Matod sa BCCP, makatabang kini aron masiguro ang igo nga suplay sa pork sa merkado ug makapalig-on sa food security sa nasud ilabina nga padayon ang epekto sa African Swine Fever (ASF) sa lokal nga industriya sa baboy.
Una nang giingon ni Agriculture Secretary Francisco Tiu Laurel Jr., nga ang mas taas nga import quota makatabang usab aron moubos ang presyo sa karne sa merkado pinaagi sa mas kusog nga kompetisyon.
Apan, misupak niini ang pipila ka local hog raisers ug traders, nga nag-ingon nga posibleng makadaot kini sa lokal nga industriya ug makapabor lamang sa pipila ka importers.
Samtang, padayon nga gituohan sa BCCP nga ang maong lakang makapalig-on usab sa trade relations tali sa Pilipinas ug United Kingdom.
Photo Courtesy: Pig process
