Nagpadayag ang Malacañang nga walay kasamtangang kalamidad o force majeure nga mahimong basihan aron tugotan ang online voting sa Senate of the Philippines, lahi sa nahitabo atol sa COVID-19 pandemic diin gitugotan ang virtual sessions ug electronic voting.
Matod ni Palace Press Officer Atty. Claire Castro, pangutana karon kung igo bang rason ang dili pagtambong ni Senador Ronald dela Rosa sa sesyon aron tugotan kini nga makabotar online, sama sa gisuportahan ni Senate President Alan Peter Cayetano.
Si dela Rosa adunay pending warrant of arrest gikan sa International Criminal Court kalabot sa giingong crimes against humanity nga konektado sa kampanya kontra droga sa miaging administrasyon.
Nahitabo ang tensyon sa Senado human mi-walkout ang minority bloc niadtong Martes isip protesta sa giingong pagdali sa majority bloc sa pag-amendar sa Senate rules aron tugotan ang remote participation ug online voting sa mga senador nga adunay “justifiable reason.”
Giingong “travesty of Senate rules” ni Sen. Juan Miguel Zubiri, ang maong lihok samtang mipasiugda usab si Sen. Vicente Sotto III nga mopadayon silang mobarog batok sa maong plano.
Matod sa minority bloc, ang giingong pagdali sa pagbag-o sa rules mahimong may kalabotan sa kahadlok nga adunay mga senador nga maapil sa mga non-bailable cases ug posible nga maaresto.
Samtang si kanhing Senate President Franklin Drilon miingon nga ang lihok sa majority mahimong abuso sa diskresyon ug supak sa tradisyon sa Senado nga nagkinahanglan og hingpit nga debate sa mga dagkong kausaban sa rules.
Dugang pa ni Ateneo law professor Mel Sta. Maria, posible matod pang unconstitutional ang online participation sa impeachment trial tungod kay ang gahom sa 1987 Constitution nagpasabot og face-to-face nga paghusay sa Senado.
