Giandam na sa Office of the Ombudsman og usa ka “grand case” batok kang kanhi House Speaker ug Leyte Representative Martin Romualdez kalabot sa alegasyong conspiracy to defraud the national treasury ug money laundering.
Sa press conference niadtong Mayo 26, 2026, gibutyag ni Ombudsman Jesus Crispin Remulla nga adunay duha pa ka kaso nga giandam, lakip ang usa pa ka bug-at nga money laundering case ug usa ka dakong kaso nga may kalabotan sa budget anomalies.
Matod ni Remulla, maampingon ang ilang pag-andam sa kaso tungod kini matod pa ang unang higayon sa kasaysayan sa Pilipinas nga adunay sama niini nga matang sa kaso nga ipasaka.
Wala pa usab gihatag sa Ombudsman ang dugang detalye kabahin sa maong mga alegasyon samtang padayon ang pag-andam sa pormal nga mga kaso.
Photo Courtesy : Daily Tribune
