Gipasiugda ni Tagum City Mayor Rey T. Uy nga respetuhon ang mando sa korte nga pabor sa operasyon sa Davao Light and Power Company (DLPC) sa syudad sa Tagum, hinungdan nga daghang residente ang nagpahayag og suporta sa maong power utility provider.
Matod pa ni Uy, dili na kaya sa gobyerno ang pagdumala sa maong serbisyo sa kuryente mao nga mas maayong ihatag kini sa pribadong sektor aron mas mapalambo ang serbisyo ngadto sa katawhan.
Dugang pa niya nga naglaom ang lokal nga panggamhanan nga mas masulbad ang mga problema sa suplay ug serbisyo sa kuryente ilawom sa Davao Light and Power Company.
Samtang, gikumpirma usab sa mayor nga 20 pa lamang ka mga empleyado sa NORDECO ang nakasumite og pangalan alang sa posibilidad nga ma-absorb sa Davao Light.
Apan matud niya, pagasubayon gihapon kini sa proseso ug kwalipikasyon nga gikinahanglan sa kompanya.
Photo Courtesy : LGU TAGUM
