Gisaway sa minority bloc ang giingong “dinalian” o “rushed” nga proseso sa pag-amyenda sa Senate rules.
Sa ilang hiniusang pamahayag, kusganon nilang gikondena ang tinguha nga dalian ang usa ka dakong kabag-ohan sa Senate Rules, ilabi na nga ubay-ubay pa nga mga miyembro sa minorya ang gusto pang mosulti ug mopatugbaw sa mga seryosong pangutana sa floor.
Nagresulta kini sa pag-walkout sa minority bloc niadtong Martes, Mayo 26, human sa init nga panaglalis mahitungod sa pag-amyenda sa Senate rules nga magtugot sa mga senador sa pagtambong ug pagboto sa plenaryo pinaagi sa online o remote participation.
Ang sugyot gihangyo ni Senador Rodante Marcoleta niadtong Mayo 11, nga nagpatinguha nga tugotan ang “justifiable” o makatarunganong remote attendance sa mga miyembro sa Senado.
Sumala sa minority bloc, dinalian ang proseso sa pag-amyenda sa rules ug wala nahatagan og igong kahigayonan ang tanang senador sa pagpadayag sa ilang opinyon.
Apan kinahanglan kining ipaubos sa mas lapad nga pagtu-on ug dili angay ipatuman sa dinalian nga pamaagi.
Tungod sa pag-walkout, napakyas ang plenaryo sa pagporma og quorum busa wala na napadayon ang sugyot. Sa ulahi, gi-adjourn ang sesyon ug ipadayon kini pag-usab sa Hunyo 1.
Photo courtesy: Rappler
