Gipahunong una sa Department of Environment and Natural Resources (DENR) ang kontrobersyal nga pagpamutol ug mga kahoy sa Quirino Avenue, Maynila.
Matod ni DENR Acting Secretary Juan Miguel Cuna nga gikinahanglan nga tun-an una og maayo ang maong lakang ug tan-awon kon duna pa ba’y kahigayonan nga i-earth-ball o ibalhin na lang ang mga kahoy imbes nga pamutlon kining tanan.
Giangkon ni Cuna nga lisod balansehon ang kalamboan sa ekonomiya ug ang pagpanalipod sa kinaiyahan, ilabi na nga dunay magsakripisyo kon magtukod og mga dagkong imprastruktura sama sa Southern Access Link Expressway Project kon(SALEX).
Apan gipasabot niya nga dili gihapon angay pasagdan ang epekto niini sa komunidad ug matigayon kini.
Kahibaloan nga nakadawat ug pagsaway ang buhatan sa DENR tungod sa pagtugot niini sa pagpaputol sa mga kahoy diin ang human rights ug environmental groups ang nagmugna ug usa ka visual artist logo nga nagpakita sa ilang pagprotesta sa maong ahensya.
Photo Courtesy: Rappler
