Gisalikway ni Commission on Elections (Comelec) Chairman George Erwin Garcia, ang posibilidad sa “no-election” scenario sa 2028 nga giingong molugway sa termino ni Presidente Ferdinand Marcos Jr. Gihimo ni Garcia ang pamahayag isip tubag kag Senador Imee Marcos kalabot sa posibilidad nga dili na ipahigayon ang eleksyon sa 2028.
Matod sa kadagkoan sa Comelec, imposible kini tungod kay tataw nga gimando sa Konstitusyon ang pagpahigayon og piniliay. Matod niya nga kini usa ka mandato sa Konstitusyon nga adunay eleksyon nianang tuiga, walay contingency alang sa usa ka ‘No-el’ tungod kay ang eleksyon sigurado nga mahitabo.
Dugang niya nga gisugdan na sa Comelec ang pagpangandam, alang sa presidential elections bisan duha ka tuig sa wala pa kini ipahigayon. Lakip sa gitun-an sa ahensya mao ang automation sa eleksiyon, pag-abli og balik sa rehistrasyon sa mga botante, ug pag-draft sa mga lagda ug guidelines alang sa piniliay.
Si Presidente Marcos kaniadto nanghimakak sa isyu sa “no-election scenario,” samtang ang Malacañang nagtawag niini nga “diversionary tactic.”
Photo Courtesy: PHILSTAR.COM
