Balhog sa prisohan ang usa ka drug pusher human kining madakpan sa gipahigayong drug-buy bust operation sa kapulisan sa Barangay Sta. Isabel Dipolog City, kaniadtong Mayo 26, 2026.
Giila ang dinakpan nga si alyas Ben, 25-anyos, minyo ug bag-ong naila isip Street Level Individual SLI sa drug’s watchlist.
Nakuha gikan sa suspetsado ang upat ka gagmayng pakete sa iligal nga drugang shabu nga motimbang sa tulo ka gramo nga mokabat sa kantidad nga Php20,400.00 lakip na ang 500 peso bill nga gigamit isip buy bust money.
Gipangunahan sa mga personahe sa Dipolog City Police Station ang maong operasyon kauban ang RDEU 9 ug PDEA 9 hinungdan sa malampusong pagkasikop niini.
Gidala ngadto sa kustudiya sa Dipolog City Police Station ang dinakpan ug giandam nga pasakaan sa kasong paglapas sa RA 9165 kon Comprehensive Dangerous Drugs act of 2002.
Photo Courtesy: Dipolog PNP
