Mobisita si Zhang Yingfei sa Pilipinas, kini ang gipahibalo sa Federation of Filipino Chinese Chambers of Commerce and Industry, Inc. (FFCCII) sa usa ka media conference nga ilang gipatawag Miyerkules, Mayo 27,2026. Si Zhang ang bida sa Chinese vertical drama nga, The Heiress Who Win With Brains pero mas nailhan sa mga Filipino isip Linda Walker. Si Linda mao ang babaye nga adunay talagsaon nga pangutok ug naka-iskor og 719 sa usa ka mock exam.
Si Zhang gikatakdang moabot sa nasod sa Hunyo 7, 2026 ug magpabilin hangtod sa Hunyo 11, 2026 samtang siya mobisita sa mga eskwelahan alang sa “Linda Walker Visits The Philippines to Promote Education for a Better Future.” Ang Pilipinas gikatakdang magbukas og mga eskwelahan sa Hunyo 2026, ug gusto sa FFCCII nga dasigon ang mga batan-on nga unahon ang edukasyon bisan og lisud ang kinabuhi tungod kay adunay paglaom sa edukasyon.
Busa ilang giimbitar si Zhang nga mobisita sa nasud, aron madasig ang mga batan-on nga iyang mahimamat. Ang Quezon City High School maoy usa sa mga eskwelahan nga personal nga bisitahon ni Zhang karong Hunyo 9, ug ubanan niya si Education Secretary Sonny Angara. Ang FFCCII miingon nga ang mga fans ni Zhang welcome nga motimbaya kaniya sa iyang pag-abot sa NAIA Terminal 3.
Ang ngalan sa karakter ni Zhang sa The Heiress Who Win With Brains mao si Lin Siwang, apan giilisan kini og Linda Walker sa Tagalog-dubbed version, sa Chinese vertical drama nga gilingaw sa mga Filipino ug nag-trending sa social media niadtong Pebrero 2026. The Real Heiress She Is a Top Student ang orihinal nga titulo sa maong drama series sa unang pagsalida niini sa China niadtong Septiyembre 2025.
Samtang wala kahibalo si Zhang nga sikat siya sa Pilipinas ug wala siya kahibalo, nga Linda Walker diay ang pangalan nga gigamit sa iyang karakter sa Tagalog version sa The Heiress Who Won With Brains. Nahibaw-an na lang ni Zhang nga sikat siya sa Pilipinas ug daghan siyag Pinoy fans pinaagi sa social media.
Photo Courtesy: Philstar.com
