Nag-andam na ang Meralco Bolts alang sa Game 4 sa PBA Commissioner’s Cup semifinals human sa ilang kapildihan batok sa TNT Tropang 5G sa Game 3. Bisan napildi, naglaom si coach Luigi Trillo nga makabangon dayon ang iyang team ug matabla ang serye.
Segon ni Trillo nga naglisod sila sa miaging dula bisan kompleto ang ilang lineup. Dugang usab siya nga ilisan na sa Meralco ang ilang import nga si Marvin Jones ug hulipan kini ni Patrick Gardner nga kaniadto nagduwa sa Japan B.League.
Base sa report, lig-on gihapon ang gipakita sa TNT bisan wala ang ilang import nga si Bol Bol tungod sa injury. Gipangunahan ni Rey Nambatac ang TNT pinaagi sa 18 puntos ug walo ka rebounds, samtang nakadugang usab sila Calvin Oftana ug Jordan Heading. Si Roger Pogoy maoy nakapuntos sa game-winning shot nga nakahatag sa TNT og 2-1 nga abante sa serye.
Sa laing bahin, nangandam na usab ang TNT uban sa bag-ong import nga si Chris McCullough, usa ka kanhi NBA player. Padayon usab ang preparasyon sa Meralco aron makabawi sa sunod nga dula sa semifinals.
Photo Courtesy: Inquirer.net
