Patay ang usa ka tawo samtang siyam pa ang nasamdan human sa pagguho sa dakong bahin sa chemical treatment facility sa Longview, Washington.
Lakip sa mga nasamdan ang walo ka empleyado ug usa ka bombero. Base sa inisyal nga impormasyon, kalit lang nga naguba ang tangke nga adunay sulod nga chemical mixture sa Nippon Dynawave Packaging Co. facility sa Longview.
Gipasabot sa mga opisyal nga wala’y bisan unsang hulga sa panglawas ug sa publiko ang maong insidente.
Ang maong tangke adunay kapasidad nga makakarga og 80,000 ka gallons ug mga 60 porsyento pa ang sulod niini sa dihang nahitabo ang aksidente. Paspas usab nga napalong sa mga otoridad ang dakong sunog nga mitumaw sa maong planta.
Photo courtesy: BBC
