Mitay-og ang kusog nga linog sa amihanang bahin sa Chile niadtong Lunes, apan wala ray natala nga namatay o nasamdan. Sumala sa United States Geological Survey, adunay magnitude 6.9 nga linog nga natala duol sa lungsod sa Calama sa Atacama Desert, ug adunay giladmon nga kapin 100 kilometro.
Gipahibalo dayon sa Chile National Disaster Prevention and Response Service nga wala’y hulga sa tsunami ug walay nareport nga grabeng kadaot.
Nabati ang pagtay-og sa mga rehiyon sa Arica, Tarapaca, Antofagasta ug Atacama. Sa mga video nga gipakita sa lokal nga media, makita ang mga produkto nga nangatagak gikan sa estante sa mga supermarket tungod sa kusog nga pag-uyog.
Giila ang Chile isip usa sa mga nasud nga kanunay maigo og linog tungod kay nagtigom sa ilang teritoryo ang tulo ka tectonic plates.
Photo Courtesy: Khoj Samachar
