Opisyal nang gitudlo sa Malacañang si kanhi Senador Francis Tolentino isip acting secretary sa Department of Labor and Employment (DOLE), hulip kang Bienvenido Laguesma nga mikanaog sa pwesto tungod sa kahimtang sa iyang panglawas.
Gipahigayon ang panumpa ni Tolentino didto sa Malacañang ug gisalig kaniya ang pagpangulo sa ahensya nga nagdumala sa labor policies, trabaho, ug kaayohan sa mga mamumuo sa nasud.
Si Laguesma, nga 75-anyos, sukad pa sa 2022 nagsilbi isip labor secretary apan wala na makita sa daghang kalihokan sa gabinete sugod niadtong Marso.
Matod pa sa Malacañang, dako ang pagsalig ni Presidente Marcos kang Tolentino tungod sa kasinatian niini sa pagdumala sa mga importanteng katungdanan sa gobyerno.
Si Tolentino mipuli sa panahon nga daghan gihapong hagit ang DOLE sama sa sweldo, mahal nga pamaliton, proteksyon sa mga trabahante, ug epekto sa artificial intelligence sa trabaho.
Photo Courtesy: Inquirer.net
