Nagpahinumdom ang Department of Labor and Employment (DOLE) sa mga employer sa pagbayad sa ilang mga trabahante karong Miyerkules, Mayo 27, nga gideklarar nga “Regular Holiday.”
Subay sa Labor Advisory No. 09 sa DOLE, giingon nga ang mga trabahante nga gikatakdang motrabaho makadawat og “double pay” o 200% sa ilang inadlaw nga sweldo.
Alang sa mga trabahante nga nagtrabaho og sobra sa walo ka oras, ang amo obligado nga mohatag og dugang nga 30% sa hourly rate.
Sa laing bahin, makadawat gihapon og 100% sa ilang suholan ang mga wala nakatakdang motrabaho karong adlawa, apan kinahanglang ma-schedule sila sa pagtrabaho o “leave of absence with pay” sa kataposang adlaw sa trabaho sa dili pa ang holiday.
Giingon usab sa DOLE nga ang guideline wala magamit sa mga kompanya nga ubos sa 10 ka trabahante.
Photo Courtesy: BALITA.PH
