Gisaka sa World Health Organization (WHO) sa “very high” ang kadelikado tungod nga nagkagrabe nga outbreak sa Bundibugyo strain sa Ebola sa Democratic Republic of Congo (DRC).
Matod ni WHO Director-General Tedros Adhanom Ghebreyesus nga nagpabiling taas ang posibilidad nga paspas mokatap ang virus sulod sa nasud samtang “high” sab ang risgo sa rehiyon ug “low” sa pangkalibutan nga level.
Ang Bundibugyo strain, usa ka klase sa Ebola nga wala pay aprobadong bakuna kun sigurong tambal batok sa maong virus.
Sa labing ulahi nga talaan, anaa sa 82 na ang kumpirmadong kaso sa Congo lakip ang pito ka mga kunpirmadong nakalas. Aduna sab sobra sa 170 ang gidudahang nakalas ug sobra 750 ang suspected case nga padayon pa nga giimbestigahan.
Samtang sa Uganda, duha kakaso na ang nakunpirmar gikan sa mga biyaherong gikan sa Congo kung diin adunay usa ang nakalas.
Segon sa WHO nga epektibo matod pa, sa Uganda ang hugot nga contract tracing ug pagkanselar sa dagkong panagtapok aron mapugngan ang pagkatap sa sakit.
Gikunpirmar sab sa WHO nga usa ka American national nga nagtrabaho sa Congo ang nataptan sa virus ug gibalhin sa Germany aron magpatambal.
Samtang sumala sab sa WHO nga gitun-an na nila ang paggamit sa experimental antiviral drug nga Obeldesivir isip posibleng pangontra sa Ebola apan kinahanglan pa kining gamiton ubos sa strikto nga protocol.
Photo courtesy: telegraph.ng
