Gihangyo ni Senadora Imee Marcos si Senate President Alan Peter Cayetano nga ablihan ang hearing sa Senate Blue Ribbon Committee aron mapadayon ang imbestigasyon sa kurapsyon sa mga flood control projects.
Sa post sa senador sa iyang social media account, gikumusta niya si SP Cayetano bahin sa isyu, kinsa gi-tagged usab sa maong post, si Senate Blue Ribbon Committee Chairperson Pia Cayetano, nga nag-awhag sa imbestigasyon sa mga anomaliya sa pagbaha.
Kahinumduman nga si Senador Ping Lacson, maoy nangulo sa Blue Ribbon Committee sa wala pa mausab ang liderato sa Senado. Nanawagan si Senador Marcos sa presidente sa senado nga ipagawas ang kamatuoran labot sa korapsyon flood control projects.
Samtang gipanawagan usab nga ipatawag ang 18 ka mga marines, ingon man si kanhi Congressman Zaldy Co ug ang mga Bersamins.
Kahinumduman nga nipatim-aw ang 18 ka mga sundalo diin nagpaila sila nga mga kanhi body guards ug mga tawo ni Co, nga giingong naghatod og mga maleta sa kwarta ngadto sa mga balay ni kanhi House Speaker Martin Romualdez ug Presidente Ferdinand Bongbong Marcos.
Wala hinuon gitumbok ni Senador Marcos kon kinsa sa mga Bersamin ang iyang gipasabot nga ipatawag sa hearing.
Photo courtesy: msn
