Mipahigayon og inspeksyon ang City Environment and Natural Resources Office (CENRO) sa kadagatan sa dakbayan sa Lapu-Lapu human sa sunod-sunod nga insidente sa jellyfish sa Lungsod sa Argao.
Kini human usab nakasinati og katol-katol sa lawas ang pipila ka miyembro sa usa ka pamilya gikan sa Lapu-Lapu human mangaligo sa usa ka public beach sa Barangay Marigondon.
Sumala ni Lapu-Lapu City CENRO head Jocelyn Abayan, wala silay nakitang jellyfish sa kadagatan sa Marigondon atol sa ilang inspeksyon.
Bisan pa man, nagpahimangno ang CENRO sa publiko nga magmatngon sa pagpangaligo sa dagat ilabina karong panahon sa ting-init diin kasagarang manggawas ang jellyfish.
Photo courtesy: lapulapu.gov.ph
