Gibutyag ni Coco Martin nga ang lig-on nilang relasyon ni Julia Montes naggikan sa ilang pagsinabtanay ug pagtinabangay isip magkapikas sulod sa kapin usa ka dekada.
Sa usa ka mubo nga interbyu nga gi-upload sa iyang official YouTube account, giingon ni Coco nga usa sa mga sekreto sa ilang dugay nga relasyon mao ang pagpabiling pribado sa ilang personal nga kinabuhi.
Matod pa sa aktor, dili sila hilig magpa-publicize sa ilang relasyon ug kasagaran ilang ginashare ang mga istorya nga nahitabo na kaniadto.
Dugang ni Coco, dako ang papel ni Julia sa iyang adlaw-adlaw nga kinabuhi tungod kay kini mismo ang nagaasikaso kaniya gikan sa iyang pagkaon hangtod sa iyang mga gamit ug sinina.
Giingon usab niya nga ilang gitan-aw ang usag usa isip “team” nga pirming nagsuportahay ug nagtambayayong sa tanang aspeto sa kinabuhi.
Photo courtesy: cosmo.ph
