Mahimo nang makaimport ang Pilipinas og Belgian poultry human gitangtang temporary ban sa Department of Agriculture (DA), human nakahimo og tukmang mga lakang ang mga nasod sa Uropa aron batokan ang High Pathogenicity Avian Influenza.
Segon sa Department Circular No. 25 nga gipagula sa DA, pormal na nga giila niini ang regionalization protocols sa Belgium alang sa bird flu, samtang lakip sa mahimo na nga ma-import mao ang domestic ug wild birds, karne sa manok, day-old nga mga piso, itlog, ug semilya gikan sa bilaterally-recognized free zones.
Tungod niini, adunay mas lapad nga mga kapilian ang departamento aron mapalig-on ang lokal nga suplay sa poultry ug seguridad sa pagkaon sa nasud. Kahinumdoman nga niadtong nakalabay nga tuig, gipatuman ang temporaryo nga pagdili sa pag-angkat sa mga produkto sa manok gikan sa Belgium aron mapugngan ang pagkaylap sa avian influenza.
Photo courtesy: msn
