Gikondenar sa Presidential Task Force on Media Security (PTFOMS) ang nahitabong pagpatay kang Nestor Micator, usa ka news anchor ug komentarista sa usa ka lokal nga sibyahanan sa radyo sa Pikit, Cotabato.
Base sa imbestigasyon sa kapolisan, pauli na ang biktima uban ang iyang asawa sakay sa usa ka motorsiklo human namalit og pagkaon sa Poblacion area, sa dihang kalit kining gipusil sa ulo sa duha ka armadong lalaki nga nagsakay usab og motorsiklo, mga pipila ka metros ang gilay-on gikan sa ilang panimalay.
Giduso sa PTFOMS nga ang bisan unsang matang sa kapintasan batok sa mga sakop sa media usa ka direktang hulga sa kagawasan sa prensa ug sa katungod sa publiko nga makakuha og impormasyon.
Photo Courtesy: Philippine News Agency
