Nakumpiska sa kapulisan ang armas ug gituohang shabu gikan sa usa ka SLI atol sa gilusad nga joint drug buy-bust operation sa may Purok Caimito, Barangay Tuburan, Pagadian City, adlaw’ng Dominggo, Mayo 24, 2026.
Gikasa ang operasyon sa pagpanguna sa mga personahe sa Zamboanga del Sur Drug Enforcement Unit uban ang RA-ZDS RID 9, 902nd MC RMFB 9, ug Pagadian CPS sa koordinasyon sa PDEA9 nga miresulta sa pagkasikop sa 31-anyos, lalaki ug residente sa syudad sa Pagadian.
Lakip sa nakumpiska ang 31 ka mga pakete sa gituohang shabu, P500 bill nga buybust money. usa ka android cellphone, usa ka caliber .45 Norinco pistol, usa ka magazine, tulo ka live rounds sa buhing bala ug usa ka Yamaha Mio FI nga motorsiklo.
Ang nakumpiskang mga armas ug lakip ang gituohang illegal nga druga giturn-over sa Zamboanga del Sur Provincial Forensic Unit alang sa laboratory examination.
Samtang ang dinakpan nga suspetsado nakakustudiya na sa Pagadian City Police Station alang sa tukmang pagpasaka ug kaso.
Courtesy: ZSPPO PIO, PRO 9
