Nagpagawas og warrant of arrest ang kagamhanan sa Russia batok sa pipila ka mga opisyal sa International Criminal Court o ICC, lakip na ang Chief Prosecutor ug walo ka mga huwes sa maong internasyonal nga tribunal.
Gisentensiyahan sa korte sa Russia si ICC Chief Prosecutor Karim Khan og napulo’g lima ka tuig nga pagkabilanggo bisan wala kini sa personal atol sa paglilitis, samtang ang walo ka mga huwes nakadawat usab og hatol nga tulo ug tunga hangtod napulo’g lima ka tuig nga priso.
Matod pa sa opisyal nga taho kalabot sa hurisdiksyon, ang Russia dili miyembro ug dili mokooperar sa ICC, hinungdan nga limitado ang gahom sa maong tribunal sulod sa ilang teritoryo.
Bisan pa man niini, ang siyam ka mga opisyal sa ICC giapil na karon sa wanted list sa Russia, butang nga mamahimong magdala og kapeligrohan sa pag-aresto kanila kon ugaling mobiyahe sila sa mga nasod nga adunay suod nga alyansa o kooperasyon sa Moscow.
Photo Courtesy: Anadulo Ajansi
