Kritikal ang kahimtang sa duha ka mga biktima sa nahitabong aksidente sa Barangay 12, sa syudad sa Catbalogan human nga nawad-an og brake ang driver sa bus nga maoy rason sa pagkadasmag niini sa usa ka ukay-ukayan pasado alas 10:30 sa buntag niadtong nakalabay nga adlaw.
Mikabat sa 18 ka mga indibidwal ang ihap sa mga biktimang naangol sa naasoy nga insidente nga nakaangol usab sa halos kapin 10 ka mga sakyanan sadihang gidaro niini ang tanang masugatan pribado man o pampublikong sakayanan.
Daling gidala sa Tacloban City, ang duha ka mga biktima nga anaa sa talandugon nga kahimtang samtang anaa na sa kapulisan sa Catbalogan ang driver nga mimaneho sa JM Bus, diin manubag usab ang kompanya niini sa mga galastohan sa naasoy na mga biktima samtang gihan-ay na ang kasong Reckless Imprudence resulting to multiple Injuries ug Damage to Properties.
