Gimugna ang Rapid Mobilization Task Force sa Probinsya sa Davao De Oro karong panahuna pinaagi sa Reseliency Management Training nga gipahigayun sa Labanesa Resort sa Pantukan ning bag-o lang.
Ang nahisgutang task force inisyatibo mismo ni Gov. Engr. Raul Mabanglo nga maoy gihatagan og katungod nga mahimong direktang kontak person gikan sa kumunidad panahon nga dunay kalamidad og mahimong resource person kansang magtudlo sa mga purok sa Disaster Reseliency.
Apil sa task force ang organization structure Rapid mobilization Task Force (RMTF), Basic disaster risk reduction management, disaster response, reporting og early warning og uban pa. Ang lakang sa amahan sa Lalawigan sa DDO gidayeg ni OCD 11 Regional Director Ednar Dayanghirang.
Dako ang pasalamat sa mga benepisyaryo sa opotunidad og pagsalig nga gihatag alang kanila. Gituohan nga mahuman ang pagbansay, sugdan dayon ang roll out sa Rapid mobilization Task Force (RMTF) ngadto sa matag Barangay.
