Mikunhod og 16 porsyento ang krimen nga natala sa nasud sulod sa unang 43 ka adlaw sa pagpatuman sa “Safer Cities” program sa Philippine National Police (PNP).
Base sa datos sa PNP, adunay 3,776 ka focus crimes nga natala gikan Abril 6 hangtod Mayo 18, mas ubos kini kumpara sa 4,495 ka kaso nga narekord gikan Pebrero 22 hangtod Abril 5.
Lakip sa mga krimen nga mikunhod mao ang murder, homicide, physical injury, rape, robbery, theft, ug carnapping sa mga sakyanan ug motorsiklo.
Pinakadako nga pagkunhod nga nakita ang kaso sa rape nga niubos og 30 porsyento, gisundan sa carnapping sa mga sakyanan nga niubos og kapin 28 porsyento ug physical injury nga sa halos 26%.
Matod sa kapulisan, padayon nilang palig-onon ang kampanya aron masiguro ang kaluwasan sa mga komunidad ilawom sa “Safer Cities” initiative.
Photo Courtesy: Wikipedia.com
