Nag-andam na ang Department of Trade and Industry (DTI) og bag-ong regulasyon nga magmando sa mga manufacturer ug importer sa solar panel systems nga magkuha og government certification sa pagbaligya sa ilang mga produkto sa merkado sa Pilipinas.
Lakip sa ipailalom sa certification ang solar panels o photovoltaic modules, battery energy storage systems, inverters, charge controllers ug mga kable nga gigamit sa residential ug commercial solar installations.
Sumala sa DTI Bureau of Philippine Standards, tumong sa maong lakang nga masiguro ang kalidad ug kaluwasan sa mga solar products nga mosulod sa nasud.
Matod ni Frank Macula sa DTI-BPS, importante nga compliant sa Philippine standards ang mga solar components aron luwas kini gamiton sa mga konsumidor.
Giingon usab sa DTI nga ang mandatory certification mosuporta sa kasamtangang regulasyon sa Department of Energy bahin sa accreditation sa solar installers.
Sa pagkakaron, daghang solar products ang ginabaligya sa Pilipinas bisan walay local certification ug kasagaran nagdala lamang og certification gikan sa ilang nasud nga gigikanan.
Photo Courtesy: FRCABLE
