Nakasinati og kusog nga pag-ulan ang pipila ka mga lugar sa nasud sa Thailand apan dili tubig ang nangatagak nga gikan sa langit kung dili mga ice o gitawag kinig “Yelo Hailstorm.
Tungod sa kadako ug kakusog sa mga tipak sa ice nga nangatagak gikan sa langit, daghang mga sakyanan ang nanga daot ug nangabuak ang samin, samtang adunay mga atop sa balay nga naguba ug nabuslot tungod sa maong ulan.
Sumala pa sa mga residente, kalit lamang mihapak ang kusog nga ulan uban sa dagkong tipak sa Ice nga maoy hinungdan sa dakong kadaot sa ilang mga panimalay ug uban pang mga kabtangan sa lugar.
Padayon karon ang pagmonitor sa mga otoridad sa kahimtang sa panahon, ug gipasidan-an ang publiko nga mag-amping ilabi na panahon sa kusog nga ulan ug dalugdog dala usab sa mga dagkong tipak sa ice.
Sa pagkakaron, wala pay gikumpirmang patay sa maong panghitabo o nasamdan, apan padayon gihapon ang pag-assess sa kadaot nga nahimo sa maong hailstorm. Ug padayon pa sab nga gituki sa mga siyentipikong pamaagi kung nganong adunay pag ulan sa dagkong ice sa maong nasud nga wala pa sukad nahitabo.
Photo Courtesy: Bangkok Post
