Giduso sa House of Representatives of the Philippines ang usa ka sugyot balaudnon nga nagtumong sa pagdugang sa diskwento nga madawat sa mga senior citizen sa nasud.
Ang maong lakang kabahin sa House Bill No. 5187 o Expanded Senior Citizens Act of 2010 nga gisugyot ni Rodolfo Ordanes.
Sumala sa sugyot, idugang ang 5% sa kasamtangang 20% nga diskwento sa mga senior citizen matag 10 ka tuig nga dugang edad, sugod sa 70 anyos pataas. Kon maaprubahan, mahimong 25% na ang diskwento sa mga tigulang.
Gipasabot sa mambabalaod nga samtang nagkadako ang edad sa mga senior citizen, nagkataas usab ang ilang gastuhon sa tambal, maintenance nga medisina, ug adlaw-adlaw nga panginahanglan, samtang mikunhod ang ilang abilidad sa pagtrabaho.
Tungod niini, giingon nga ang maong proposal nagtumong sa paghatag og dugang nga tabang pinansyal sa mga senior citizen ilabina sa panahon nga sila labing nagkinahanglan og suporta.
Photo courtesy: Philstar
