Gipangunahan ni Special Assistant to the President Antonio Ernesto Lagdameo uban ni Sonny Angara ang oath taking o pagpanumpa sa katungdanan sa mokabat 1,559 ka bag-ong napromote nga mga public school teachers ug school heads gikan sa rehiyon sa Caraga.
Ang maong kalihukan kabahin sa Expanded Career Progression Program sa gobyerno nga nagtumong sa paghatag og mas maayong oportunidad ug promosyon sa mga magtutudlo sa pampublikong eskwelahan.
Gipahigayon ang oath taking ceremony sa Agusan Valley Convention Center niadtong adlawng Dominggo, Mayo 24.
Lakip sa mga napromote ang 23 ka mga magtutudlo nga nakaserbisyo sulod sa 39 ka tuig sa gobyerno, ingon man ang 91 ka mga magtutudlo nga anaa na sa edad 55 hangtod 64 anyos nga karon pa lamang napromote isip Teacher 1.
Matud pa sa mga opisyal, kini usa ka dakong pag-ila sa dedikasyon ug sakripisyo sa mga magtutudlo nga dugay nang nagserbisyo sa sektor sa edukasyon.
Padayon usab nga gipalig-on sa gobyerno ang suporta sa mga magtutudlo isip haligi sa edukasyon ug paghulma sa kaugmaon sa kabatan-onan.
Photo courtesy: DEPED Caraga
