Nanawagan ang hepe sa Philippine National Police (PNP) nga si Gen Jose Melencio Nartatez Jr ngadto kang Senador Ronald “Bato” dela Rosa nga respetuhon ang uniporme ug badge nga iyang gisul-ob kaniadto isip hepe sa nasudnong kapolisan taliwala sa nagpadayong operasyon sa pagsubay kaniya.
Matod ni Nartatez, nagpabilin ang pagtahod sa PNP kang Dela Rosa isip kanhi pangulo sa organisasyon, apan nanghinaot sila nga mokooperar kini sa kasamtangang legal nga proseso kalabot sa warrant of arrest sa International Criminal Court batok sa senador.Philippine News
Matod usab sa PNP chief nga hugot nga gisunod sa kapulisan ang protocols ug human rights standards sa operasyon ug gimandoan ang ground units nga likayan ang wala kinahanglana nga paggamit og puwersa kung makaplagan si Dela Rosa.
Si Dela Rosa giingong maoy nag-unang arkitekto sa war on drugs ni kanhi Presidente Rodrigo Duterte ug maoy nag-unang tigpatuman sa Oplan Tokhang niadtong siya pa ang hepe sa PNP.
Photo Courtesy: Inquirer.net
