Nakatala na ug 51 ka mga centenarians ang Kagamhanang Lokal sa Bukidnon ubos sa ilang nag-unang cash incentive program.
Basi kini sa pinakabag-ong datus gikan sa Provincial Social Welfare and Development Office kon PSWDO, as of Mayo 21, 2026.
Gibutyag ni Ms. Ellen Salumintao, PG-Department Head sa PSWDO nga sa kinatibuk-ang record 51 ka centenarians sukad nagsugod ang programa, 35 ka centenarians ang padayong nakadawat sa insentibo diin 106-anyos ang pinaka-edaran sa mga buhi pa karon.
Hisayrang sa tuig 2024, sa pagbukas sa programs 31 ang natala, diin 19 niini ang buhi. Ang pinakatigulang sa rekord nga mitaliwan na, nag-edad ug 110-anyos. Samtang sa tuig 2025 16 ang natala, diin 12 ang buhi ug sa tuig 2026, 4 ang natala, ug gilaumang mosaka pa kini sa mosunod nga mga bulan.
Kahibaloan nga pinasikad sa Provincial Ordinance No. 2022-010R, personal nga gipangunahan ni Governor Rogelio Neil Roque ang pagpasidungog sa mga katigulangan nga nag-edad 100 anyos pataas diin ang mga benepisyaryo makadawat sa 50 mil pesos cash incentives , food packs ug uban pang mga pahalipay nga ihatag matag tuig nga sila ania pa sa kalibutan
