Gipasidunggan ang Local Government Unit sa Maramag pinaagi sa Municipal Agriculture Office – Livestock Program tungod sa malampusong pagpatuman sa aktibong surveillance batok sa African Swine Fever (ASF) sa lungsod.
Sumala sa report, gipahigayon ang surveillance gikan Mayo 5 hangtod 7, 2026 sa 20 ka mga barangay diin nakab-ot ang negatibong resulta sa ASF laboratory tests. Ang maong kalampusan giila isip dakong lakang aron mapugngan ang pagsulod ug pagkaylap sa ASF sa lokal nga industriya sa baboy sa lungsod.
Gipasalamatan usab ang liderato ni Mayor Atty. Jose Joel P. Doromal ug ang hiniusang paningkamot sa Municipal Agriculture Office Maramag ubos sa pagpanguna ni Municipal Agriculturist Mr. Armand De La Cruz, kauban si Agriculturist II ug Livestock Coordinator Mr. Johann Vincent Obedencio, Livestock Section personnel, Assigned AgriTechs, mga Barangay Local Government Units, Provincial Veterinary Office of Bukidnon, ug mga farmer cooperators nga mitabang sa maong kalihokan.
Matud pa sa LGU, ang padayon nga pagbantay ug kooperasyon sa tanang sektor dakong tabang aron mapanalipdan ang kahimsog sa kahayopan ug masiguro ang kaluwasan sa publiko batok sa hulga sa ASF
Photo Courtesy: LGU – Maramag
