Mikabat sa 101,828 ka mga bisita ang niadto sa Initao sulod sa unang quarter karong tuig. Ang bulan sa Enero maoy adunay pinakadaghang turista nga niabot sa 48,475 ka arrivals.
Sumala sa report, posible nga naapektuhan ang pagkunhod sa bisita pag-abot sa Pebrero ug Marso tungod sa minos nga holiday season, kahimtang sa panahon, ug tensyon sa Middle East.
Bisan pa niini, padayon nga giila ang Initao isip usa ka maabiabihong destinasyon alang sa pagpahayahay ug adventure. Lakip sa mga sikat nga laaganan sa lungsod ang Isidro’s Beach Resort ug Hapitanan Beach Resort nga padayon nga ginadayeg sa mga turista.
Photo courtesy: Municipal Information Office- Initao
