Mipasalig si Nicolas Torre III nga andam siyang motabang sa pagpatuman sa warrant batok kang Senador Ronald dela Rosa basta sulod sa sakop sa MMDA. Giingon ni Torre nga trabaho sa mga otoridad ang pagsunod sa legal nga proseso ug dili pagpili kung kinsay dakpon.
Andam usab ang MMDA nga motabang pinaagi sa paghatag og CCTV footage kung kinahanglan sa imbestigasyon.
Samtang, gimandoan sa DOJ ang PNP ug NBI nga ipatuman ang warrant human gilimod sa Korte Suprema ang hangyo ni Bato mahitungod sa TRO o temporary restraining order.
Giingon ni Torre nga importante nga maprotektahan ang balaod ug institusyon sa gobyerno.
Photo courtesy: PNA / Robinson Niñal Jr.
