Gipahibalo sa House prosecution panel nga andam na sila alang sa posibleng pagsugod sa impeachment trial batok kang Vice President Sara Duterte karong umaabot nga Hulyo 6,2026. matod ni Rep. Gerville Luistro ug Rep. Terry Ridon human sa anunsyo ni Senador Erwin Tulfo.
Ang panel nagplano nga sugdan sa pinaka yano nga artikulo aron dali nga ma-establish ang kaso, samtang gipangandaman usab ang pag-apil sa mga pro-bono private prosecutors.
Sa pikas nga bahin, gipaslamatan usab ni Ridon ang Senado sa pagtudlo og petsa ug nagkanayon nga andam ang panel nga mopakita sa ebidensya bisan pa kung dili motubag o motunga si Duterte sa pagtaral.
Samtang matod pa ni Luistro, positibo kini nga wala na’y babag sa pagsugod sa proseso ug giandam na sa panel ang mock trials, listahan sa mga saksi, dokumentaryo ug video evidence, ug estratehiya sa presentasyon sa matag artikulo sa impeachment.
Dugang pa niini nga importanteng personal nga motambong ang mga senador-judges sa trial aron masusi ang pamatasan sa mga saksi ug ang ebidensya nga ipresentar.
Photo Courtesy: House of Representatives file photo
