Gipailawom sa red alert status sa UN ang kahimtang sa Afghanistan tungod sa lisod nga kahimtang sa nasud sa nasinatiang krisis ug kakuwang sa batakang panginahanglanon.
Sumala sa report, tulo sa matag upat ka Afghan ang dili na makasarang sa ilang adlaw-adlaw nga panginahanglan sama sa pagkaon ug tambal. Ang nagpadayong kawalay trabaho ug pagkahugno sa health system maoy nagpagrabe sa sitwasyon, samtang nagkagamay usab ang international aid nga kaniadto nagtabang sa milyon ka katawhan.
Tungod sa kalisod, daghang pamilya ang napugos sa paghimo og lisod ug makapasubo nga desisyon aron lang mabuhi. Gawas niini, adunay mga namatay tungod sa gutom ug sakit nga wala na marehistro ug gilubong na lamang dayon nga walay opisyal nga dokumento.
Samtang nagpadayon ang krisis, adunay mga grupo nga nanawagan sa internasyonal nga komunidad nga dili pasagdan ang kahimtang sa Afghanistan ug padayon nga motabang sa mga naapektuhan nga sibilyan.
Photo Courtesy: The hill/ Global news
