Nakurat ang mga doktor ug ginikanan sa Russia human madiskubre nga posible diay nga drama lang ang “misteryosong sakit” sa usa ka 14-anyos nga dalagita aron malikayan lang ang pag-eskwela.
Sulod sa kapin usa ka tuig, sige matod pa mag-bleeding ang dalagita gikan sa ilong, dunggan, mata, ug bisan sa pusod, maong halos tanan nga test sama sa ultrasound ug cancer screening gipahigayon na sa mga doktor. Apan walay nakitang sakit.
Didto na nakabantay ang pamilya sa usa ka “milagro”—musamot ang iyang kondisyon kada sugod sa klase, pero mawala dayon kung bakasyon na.
Tungod niini, nagduda ang ginikanan nga posible nga ginabuhat ra sa dalagita ang tanan aron dili makasulod sa eskwelahan.
Bisan pa niini, naglibog gihapon ang inahan ug dili mutuo nga kaya sa iyang anak maghimo og ingon atong drama.
Samtang ang uban eksperto nagtan-aw sa posibilidad nga adunay psychological condition ang bata, adunay netizens nga nagkomento nga “grabe naman ni nga excuse para dili mo-eskwela—murag mas kapoy pa kaysa sa klase mismo.”
Photo courtesy: DR.Dennis Chua
