Gikumpirma ni Alex Gonzaga nga mabdos na siya uban sa iyang bana nga si Mikee Morada human sa hapit unom ka tuig nilang kaminyoon ug tulo ka miscarriages.
Sa iyang social media post, gipadayag ni Gonzaga nga wala sila mawad-i og paglaum bisan pa sa ilang naagian nga kasakit ug padayon silang nagsalig sa Ginoo samtang nangandam alang sa in vitro fertilization o IVF.
Apan matod pa sa aktres ug vlogger, sa wala damha, gihatagan sila og natural nga pagbuntis isip panalangin.
Miingon usab si Gonzaga nga dako ang ilang kalipay kay matuman na ang ilang damgo nga mahimong ginikanan ug mihangyo siya sa publiko nga ipadayon ang pag-ampo alang sa luwas ug himsog nga pagmabdos hangtod matawo ang ilang anak.
Si Alex Gonzaga nailhan sa iyang pag-appear sa sitcom nga Let’s Go! ug sa iyang mga proyekto isip host, aktres ug content creator.
Photo courtesy to:X.COM
