Nagpadayon ang kagamhanan sa Dakbayan sa Sugbo sa pagtuki sa posibleng pag-abli pag-usab sa Binaliw landfill samtang nagpadayon pa ang teknikal nga assessment ug compliance checks.
Matod ni Cebu City Mayor Nestor Archival, nagtigom na ang Waste Crisis Task Force aron susihon ang kahimtang ug susiho ang mga kinahanglanon una pa mahimong mobalik ang operasyon sa landfill.
Sumala sa Mayor, usa sa mga nag-unang konsiderasyon nga gihisgutan mao ang hugot nga pagpatuman sa waste segregation una dawaton ang mga basura sa landfill facility.
Gipasabot niya nga adunay mga wala pa masulbad nga kabalaka ug pangutana gikan sa nagkalain-laing sektor, maong mihukom ang dakbayan nga sa makadiyot undangon una ang dugang nga aksyon hangtod matubag ug matarong ang tanang isyu.
Samtang wala pa kini masulbad, nagpadayon ang Dakbayan sa Sugbo sa pagdala sa mga basura ngadto sa landfill sa Aloguinsan, usa ka proseso nga matod sa Mayor nagkantidad og minilyones ka pesos matag adlaw.
Gibanabana ni Mayor Archival nga mokabat sa ₱4.2 milyon matag adlaw ang gasto sa hauling kon magpadayon ang long-distance hauling operations.
Gitun-an usab sa City Government ang pagtuon sa alternatibong waste management technologies ug mga long-term solutions nga mahigalaon sa kalikupan ug subay sa balaod.
Photo courtesy: Philstar
