Gipasalig sa Departament of Education nga aduna nay kaugalingong medical clinics ang mga pampublikong tunghaan sa nasod. Kini aron mahatagan ug libreng check-up, laboratory tests, ug tambal ang mga estudyante, magtutudlo, ug mga ginikanan.
Matod sa DepEd, nakigtambayayong sila sa mga private healthcare providers ug sa Philippine Health Insurance Corporation (PhilHealth) alang sa maong programa.
Giklaro sab sa DepEd nga wala’y gasto ang DepEd ug dili kinahanglan og pundo ang mga tunghaan alang sa proyekto.
Kini tungod mahimo sa PhilHealth na maoy mo-abaga sa gasto alang sa mga rehistradong miyembro.
Photo courtesy: Depedtambayan.org
