95 ka coordinators gikan sa Southern Malaybalay Cluster ang giila tungod sa boluntaryong serbisyo atol sa “Fellowship and Awarding Ceremony” nga gipangunahan ni sir Richard Soriano Villaronte ang Founder and Chairman sa Juander Radyo Loyalista Incorporated, inabagan sa Network Special Project Head ma’am Ruby Burlaos, nga gipahigayon sa Brgy. 1, Claro M. Recto Street, Malaybalay City, karong adlawa Mayo 22, 2026.
Ang maong kalihokan nahimong higayon aron pasalamatan ug ilhon ang mga coordinators nga dugay nang nagserbisyo uban sa dedikasyon ug pagkamatinud-anon. Sa awarding ceremony, 36 ka coordinators ang gidayeg alang sa ilang 10 ka tuig nga serbisyo, samtang 67 usab ang giila tungod sa kapin lima ka tuig nga pag-alagad.
Sa kasamtangan, adunay kinatibuk-ang 82 ka aktibong coordinators ang Southern Malaybalay Cluster nga padayon nga nagtinabangay alang sa kaayohan sa organisasyon sa pagpanguna ni Mrs. Jocelyn Empuerto Cluster Head.
“Ang pagtinabangay ug panaghiusa magdala ngadto sa kalampusan.” Nagpahinumdom kini nga ang matag usa adunay importante nga papel sa pagkab-ot sa usa ka tumong. Pinaagi sa panaghiusa, mas sayon masulbad ang mga problema. Ang tinuod nga kalampusan dili lamang bunga sa paningkamot sa usa ka tawo, kundili resulta sa pagtinabangay ug suporta sa tanan.
