Nangayo og dispensa ang kanhi British pirate radio station sa mga katawhan sa United Kingdom ug sa hari human kining nasayop sa impormasyon nga gipakatap nga nitaliwan na si King Charles III.
Matod sa pamahayag sa istasyon nga ang insidente naggikan sa computer error sa ilang nag-una nga studio sa Maldon, Essex nga niresulta sa pag-activate sa death of a monarch procedure nga kasagaran naka-standby sa mga UK broadcast stations.
Dali sab hinuon kining gisakto sa istasyon human namatikdan ang problema ug nipagawas og on-air apology. Giklaro sab sa management nga usa kini nga technical error.
Atol sa maong hitabo, anaa sa Northern Ireland niadtong panahona si King Charles III kauban si Queen Camilla alang sa usa ka royal engagement ug wala sab gikumpirmang bisan unsang kalihukan nga adunay kalambigitan sa maong report.
Padayon sab nga gipahinumdom sa istasyon nga usa kini ka isolated technical error ug nangayo og pagsabot gikan sa publiko.
Photo courtesy: Washington Times
