Nipahamtang ang Fertilizer and Pesticide Authority (FPA) og preventive suspension sa lima ka fertilizer companies tungod sa giingong kalapasan sa balaod. Resulta kini sa managlahi nga monitoring operations, ug compliance checks nga gihimo sa FPA.
Hinuon, wala hinganli sa FPA ang gisuspenso nga mga fertilizer manufacturers, distributors, at product registrants.
Matod ni FPA Executive Director Glenn Estrada, ang mga kalapasan naglakip sa pagdumili sa pagtugot sa legal nga inspeksyon sa FPA personnel, pagbaligya sa peke ug substandard o off-specification fertilizer products, mislabeling sa mga produkto, ug dili awtorisado nga pagbalhin o pag-apod-apod sa mga produkto nga sakop sa Stop Sale, Stop Use, Stop Move, and Hold (SUMS) orders.
Dugang ni Estrada nga pipila sa mga kompanya nga nalambigit niini ang nisalmot sa government fertilizer procurement ug bidding activities, apil na ang Department of Agriculture (DA) fertilizer subsidy program.
Sa iyang bahin, nisaad si Agriculture Secretary Francisco P. Tiu Laurel Jr. nga walay luna sa mga programa sa agrikultura ang maong mga sayuop nga binuhatan nga makadaut sa mga mag-uuma.
Photo courtesy: fity.club
