Mokabat sa 560 ka student-athletes gikan sa Central Visayas ang ipadala sa Palarong Pambansa 2026 nga pagahimoon gikan Mayo 24 hangtod 31 sa Prosperidad, Agusan del Sur.
Kadaghanan sa delegasyon miabot na sa Agusan del Sur ug nagpabilin karon sa ilang billeting quarters sa Fili National High School.
Sa send-off ceremony nga gihimo sa Department of Education Region 7 Ecotech Center sa Barangay Lahug, gidasig ni Chief of the Education Support Services Division (ESSD) of DepEd Region 7 Tom Pastor ang mga atleta nga ipakita ang ilang kusog ug kakayanan sa nasudnong kompetisyon.
Mas hagit karon alang sa Region 7 human sa paghimo sa Negros Island Region nga mibulag sa Negros Oriental ug ubang lugar nga kasagarang makahatag og medalya sa archery, wrestling, swimming, ug athletics.
Bisan pa niini, padayon ang pagsalig sa Region 7 ilabina sa kusog sa Bohol sa athletics ug swimming ug sa Cebu sa dancesport, contact sports, ug ball games.
Sa miaging edisyon sa Palaro sa Ilocos Norte niadtong 2025, nakapuwesto ang Region 7 sa ikapitong dapit pinaagi sa 25 ka bulawan, 32 ka silver, ug 52 ka bronze medals.
Photo Courtesy:DEPED TAYO REGION 7 / FB, Province of Agusan del Sur
