Gidasig karon sa Davao Light and Power Company (DLPC) ang publiko sa Davao del Norte nga maghimo og yano apan epektibong paagi aron makatigom sa konsumo sa kuryente pinaagi sa pagtan-aw sa mga salida o programa sa telebisyon uban sa tibuok pamilya gamit lamang ang usa ka device.
Sumala sa energy conservation tip, ang paggamit sa usa lamang ka telebisyon, kompyuter, o mobile device sa pagtan-aw sa mga salida makatabang sa pagpakunhod sa paggamit sa elektrisidad kung itandi sa tagsa-tagsa nga paggamit sa daghang mga gadget.
Gipasiugda usab nga ang maong praktis, dili lamang makapamenos sa bayronon sa kuryente, apan makahatag usab og higayon alang sa pamilya nga mag-uban ug mag-bonding samtang nalingaw.
Dugang niini, ang ma-ampingong pag-gamit sa elektrisidad usa sa mga epektibong lakang aron makatigom sa gasto sa panimalay ug makatampo sa pagkonserba sa enerhiya.
Photo Courtesy: DLPC/istock
