Mikabat na sa 16 ka mga indibidwal ang nakalas tungod sa grabeng kainit sa South Korea karong tuiga 2026, sumala sa Ministry of the Interior. Gikan sa Mayo 15 hangtod Agosto 2, adunay 2,025 ka kaso sa heat-related illnesses nga natala sa nasod.
Sa miaging semana, tulo ka higayon nga nabungkag ang heat record sa South Korea. Ang labing taas nga temperatura nga natala mao ang 42.5’C sa syudad sa Yangsan niadtong Domingo.
Padayon usab nga gipaubos ang tibuok Seoul sa labing taas nga lebel sa severe heatwave warning samtang gilauman nga mosaka pag-usab ang temperatura ngadto sa hapit 40’C.
Nagpasidaan ang weather agency nga ang padayon nga grabeng kainit mahimong makadelikado sa kinabuhi, ug giawhag ang publiko nga maglikay sa dugay nga pagpabilin sa gawas ug magbantay sa ilang panglawas.
Photo courtesy: Korean Topik
