Posibleng mosaka og P5 ngadto sa P10 ang presyo sa nagkadaiyang klase sa utanon tungod sa nasinati nga sunod-sunod nga pag-uwan. Mao kini ang pamahayag sa Department of Agriculture (DA).
Kini human sa joint inspection sa Department of Trade and Industry (DTI) ug Department of Agriculture ngadto sa Las Piñas Market. Sumala ni Agriculture Secretary Francisco Tiu Laurel Jr. nga molungtad ang pagsaka sa presyo sa ubang klase sa utanon pila ka adlaw o usa ka semana.
Gipasabot sab niini nga gumikan apektado sa dili maayong panahon ang pipila ka mga lugar nga producer sa mga high-value crops busa lauman nga adunay pagsaka sa presyo.
Samtang wala hinuoy ipatuman nga pagsibog sa presyo sa isda ug karneng baboy tungod igo ang suplay hangtud sa katapusan ning tuiga. Aduna sab pagkunhod sa presyo sa manok sa giingong mercado gikan sa P215 matag kilo ngadto sa P160 hangtud sa P170 na lang.
Photo courtesy:123RF
