Nasikop sa kapulisan ang lider ug pito ka miyembro sa usa ka giingong carnapping ug robbery group human matultolan pinaagi sa tracker app sa cellphone sa biktima.
Sumala sa kapulisan, nahitabo ang pagpangholdap sa usa ka 20-anyos nga lalaki ug sa iyang nobya sa Marikina City diin gitulis ang ilang motorsiklo ug cellphone niadtong Hunyo 5, 2026.
Pinaagi sa “Find My” tracker sa cellphone, natultolan sa biktima ang lokasyon sa iyang telepono hangtod sa Caloocan City, nga maoy hinungdan sa operasyon sa mga awtoridad.
Misangpot kini sa pagdakop sa unang suspek ug sa sunod-sunod nga operasyon nga nagresulta sa pagkasikop sa walo ka mga suspek. Narekober usab ang walo ka motorsiklo, duha ka sakyanan, mga armas, bala ug ubang mga ebidensya samtang padayon pang gipangita ang usa pa ka kauban sa grupo.
Photo Courtesy: ABS-CBN
